Titli ke Pankh

Others

Titli Ke Pankh

(Image Credit: ZME Science)

doston aaj ki kahani ka naam hai, titli ke Pankh

aap sab jante hai ki titli cocoon se nikalti hai aur cocoon se nikalte hi wo udkar chali jati hai….. cocoon is the silk casing that a moth caterpillar spins around it before it turns into a pupa…..aaiye kahani padte hain…..

ek baar ek chhoti ladki ne uske park me ek cocoon dekha…..use dekhakar wo bahut khush hui….wo usme se titli ko nikalte huye dekhna chahti thi…..isliye wo roj us cocoon ko dekhane lagi…….

Ek din usne dekha a cocoon me ek chhota sa chhed ho gaya hai….aur usme andar ek titli hai jo bahar nikalane ke liye prayash kar rahi hai…wo wahi baith gai….us titli ko dekhane ke liye…..

3-4 ghante gujar gaye par cocoon se titli bahar nahi aa paa rahi thi….kyoki cocoon ke ched bahut chhota tha….

bahut der tak wait karne ke baad bhi jab titli bahar nahi aa pai…to us chhoti ladki ke man me ek plan aaya….wo dodkar ghar ke andar gai aur ek chhoti kainchi lekar aayi……uske titli ki madad karne ka vichar banaya…..

aur cacoon ke ched ko kainchi se katkar thoda bada kar diya….jisse titli aasani se bahar aa gai….

but chhoti ladki ko ye dekhar bada aashcharya hua ki wo titli ud nahi pa rahi thi….titli bas jamin par idhar udhar chalti rahi…..

bahut der ho gai par we titli ud nahi pai…aur ek do din me hi mar gai….chhoti ladki ko ye dekhakar bahut bura laga…

to doston wo titli kyon nahi ud pai…..socha aapne…

kyonki us titli ne cocoon se bahar aane ke liye jo mahanat karni thi…wo nahi ki….kyonki kudrat ne titli ko aisa hi banaya hai….ki jab wo cocoon se bahar aane ke liye bahut mahnat karti hai to uski body ka liquid uske pankho me aa jata hai aur uske panch khul jate hai…..but chhoti ladki ko ye nahi pata tha….aur usne titli ko madad karke usko …us mahnat se vanchit kar diya …jo use karni chahiye thi….isiliye wo titli kabhi nahi ud payi …aur mar gayi…..

doston…hum bhi kai baar bina mahnat ke hi bahut kuchh pane ke chah rakhte hai….but bina mahnat ke mili koi bhi chij uske natural process ko disturb karke hame nukshan hi pahunchati hai……..kai baar hum apne bachho ko bhi mahnat nahi karne dete…aur unke saare kaam khud kar dete hai….ye chij unhe apahij bana rahi hai……..please doston…bina mahanat ke kisi phal ki ichha mat karo….aur apni mahnat ki koi chij mat chhodo…..Hamesha apni mahanat par yakin karo….Kyoki hamare dwara ki gai mahnat ka phal hame jarur milta hai…

aur bhi motivational stories padne ke liye keep visiting….

Manobal badane wali kahaniyan…

http://cacube.in/category/stories/

Leave a Reply

Your email address will not be published. Required fields are marked *